Tolιşǝ mǝholi de xugǝri (narkotik maddon) bisor kardǝn. Hukmǝti mǝmuron Tolιşιstoni paytaxt Lakonǝdǝ narkomanon aşmardi ve kardero hιmιcιmǝdǝn. Lankoni Digo di holiǝdǝ çe xugǝri (heroini) ivo havǝtǝ vιjore. Jιǧo çi çe polison iyǝn de narkotiki pevιlo karde vǝynǝ mubarizǝ bardǝ onemonon çǝşi vǝdǝ bedǝ. Ҫoknǝy bedǝ ιmon ιmi vindǝnin? I glǝ Lankoni ιştǝnǝdǝ ne, dey çǝy dionǝdǝ spid, gepotit C iyǝn co gonǝ noxǝşinon heve bιǝn. 15 soriku detobǝ 20 sornǝni cιvonon narkoman bedǝn, tolιşi udum (genefond) nǝsιm bedǝ. Lankoni şǝhǝri narkoloji noxǝşxonǝ sǝrpezιşk de Vugar Əliyevi bǝ Zιbudǝ Informatsiya Vasiton doǝ xǝbǝdǝ iglǝ Lanoni ιştǝnǝdǝ dι hǝzo odǝm noxǝşxonǝdǝ nomjǝy (geydiyatdǝy). De pezιşki votǝy Lankoni rayonǝdǝ penj hǝzosǝ ve noxǝşinǝ narkomanon hestin, çǝvonǝdǝ 3-4 xonǝxo bǝ xǝşi bekarde bǝbe. Ҫoknǝy vindǝmon, Ozobiconi hukmǝti Tolιşιstoni paytaxt Lankonιş bǝ narkomanon lonǝş pegordonyǝşe.