Həbsədə bıə jurnalist Əfqan Muxtarlı de KİV koməgi bə ədliyə vəziri mırociət kardəşe. Jurnalist vəziri bə həbsxonə dəvət kardedə ki əv əyo ogətə bedə. Çı Muxtarlı dəvəti səbəb əve ki, zindoni aşxonədə xorəki keyfiyət ki bə məhbuson doə bedə vey bevəce. Əy elon kardəşe: “Az zınedəm ki mıdofiə vəziri de sərbozon çoştə hardəşe. Bıdə Fikrət Məmmədovən bə zindon bo iyən xorəki keyfiyəti ki bə məbuson dodən bıvindo”.

Muxtarlı həmçinin xəbə doəşe ki, çı zindoni rəhbərəti çəy nomə bə ədliyə vəziri vığandeku imtino kardəşe iyən səbəb ıme ki, əv bə ğəror omə de KİV koməgi bə vəziri mırociət karde.

Bə yod dəğandəmon ki, oxonə soronədə Gırcistoni sərşəhərədə jiə jurnalist 2017-nə sori mayə mangi 29-nə rujədə Tblisiku gin bıə be. Çandibəçandon məlum be ki, əv həbs kardə bıə be iyən bə Boku zindonon gıləyni bardə bıə be.