Çı coylinə etirozinə aksiyəy iştirok kardəkəsi ogəte vırə məlum bə

Fəol Rafayel Hüseynzodə Ozobiconi Dılə Koon Vəzorəti təcridxonədəy. Çımi həxədə çəy pıə Fizuli Hüseynovi elonış kardə.

Iştə zoəy ogəte vırə həxədə əy əncəx 3 ruj bəpeştə zınəşe. Əmma bəy xəbə doəşon ni de kom mıddəti çəy zoə həbs kardə bə.

Nəsimi rəyoni məhkəmə saytədə xəbə doə bedə ki, Rafayel Hüseynzodə de Cinoyət Məcəllə 535.1-nə maddə – bə polisi beitoətəti səbəbi ittihom kardə bedə. Bə ım maddə mıvofiğ 30 sutkəninə cəzo nəzərədə gətə bedə.

Bə yod dəğandəmon ki, Hüseynzodə “Ozobiconi Nati iyən Sənoye Dovlətə Universiteti” bina vədə coyliə etirozinə aksiyə dəvonie vaxtədə həbs kardə bə be. Çı piketi məğsəd məmləkəti siyosiə məhbuson ozod karde iyan prezident İlham Əliyevi peş karde be. Rafayel Hüseynzodəy etirozinə aksiyə əncəx 8 dəğiğə davomış kardə be. Polison əv de zuy bə maşin şıkırniəşon be iyən bardəşon be.

Comments

Be the first to comment on this article

Leave a Reply

Your email address will not be published. Required fields are marked *

Go to TOP