Mısılmonon İbemonə Hərəkəti rəis Tale Bağırzodəy mırociətədə votə bedə: “Az bə insoni huğuğon mıdofiə ozorboyconiə iyən beynəlxəlğə təşkiloton, sosial şəbəkonədə fəolon iyən Milliə Şurə mırociət kardedəm. Qobustani zindonədə insonə faciə vağe bedə. Loğeyd məmandən”!

Bə Tale Bağırzodə xıyzoni məluməton əsosi telefoni sohbətədə əy ğeyd kardəşe ki, Cabbar Cabbarov ki, de əy bə ico həbs kardə bə iyən Qobustani zindonədə ogətə bedə, vey noxəşin be holədə bə qonə işqəncon məruz mandedə. Əy votışe: “Jıgo gonə vəzyətədə bıə noxəşinə odəmışon bənə berəhmi kuə, peşo bə karser dənoəşone. Əvış şəxsən zindoni rəis Avtandil Ağayevi kuəşe”.

Bağırzodə həmçinin ğeyd kardəşe ki, bə ıştə mınosibətədə təzyığonən dəvom kardedən.