Likədə “çı məholo bə məhol” nominə ofəyəvonəti festival dəvoniə bə

TolishMedia informasiyə agentəti Tolışıstoni muxbir xəbə dodə ki, mayə manqi 2-ədə Tolışıstoni Lik rayoni Heydər Əliyev nominə məydonədə çı Mədəniyyətə vəzarəti de reqionalə mədəniyyətə idaron bə ivrə dəvoniə “çı məholo bə məhol” nominə ofəyəvonəti festival dəvoniə bə. Bı festivalədə çı Mədəniyyətə vəzarəti numayəndon, reqional mədəniyyətə idaron rəison, mədəniyyətə koəkon de numayişqohə hissə oşno bən. Həminə numayişqahi çodoonədə mısqərəti numunon, məişətə ğabon, kəlağayıon, ru sığon və doono ibarət dastə koon, tımonə boftəyon iyən co sənətə numunon bə təmoşo bekardəşon bıe. Festivalədə fizikiyə imkanon məhdud bə insonon ofəyəvonətiən vırə doə qətəşbe. Do-çuədə kandə naxş jə rəssam Asif Ğasımovi hozı kardə sənətkoə numunon çı mehmonon diğğətə mərkəzədə bə. Xoliçə bovtə kinon hana kutədə bə xoliçon ilmə je,  bənə quəve bofte ğədimə xalğə sənəti əyani şiklədə bə mehmonon nuşo doəşone. Festivalədə çı Liki Rayoni Mədəniyyətə Mərkəzi “Əvəsor” xəlğə musiğiyə aləton ansambl, Mondiqo diy Folklorə Sarayi zoonku iborət “Lakto” folklorə raxsə qrup, Canqəmiyon diy Diyarşunasəti Kə kinonku iborət “Vənəşə ” folklor kollektivi yəndısən marağinə numron bə tamşoəkon edaştəşone. Festival de tosə hanqomə vaxti dəvom kardəşe. Əmo bı tədbirədə jıqo mədəni nailiyyəton bə tolışə xəlği aid bıe barədə qəp jəşon ni, umumən tolışi nomi bə zıvon varde hiç kəsi curətış rəsəni. Prezident İlham Heydəri zoə Əliyevi votə multikulturalizm məqəvuji tolışə xəlği assimilyasiya həniən qıvonin karde nəzərədə qətedə.

Comments

Be the first to comment on this article

Leave a Reply

Your email address will not be published. Required fields are marked *

Go to TOP