Maya manqi 9 bo Osatoro iyən ostorovojon ve qiraminiyə ruje. Oxo Ostoro əjiyon bo 9 may şoyvoy kardero xəyli mardışon doə. Canadorə canqədə Ostoro bə canqi məydon 5612 xonəxoş dəro kardə. Çəvonədə 1064 xonəxo canqədə həlok bıən, 827 xonəxo rımuzış ni. Ostoro bə SSRİ 3 qılə Səveti İconəti qəhrəmanış doə. Qırd cıvonə qəhrəman 19 sornəni Mirzə Cəbiyev, akademik Ziya Bunyadov iyən İlya Koverin. 3 qılə şohrət ordeni əstən Ağahəsən Nəhmətov, Rəhmət Hətəmov iyən Bırcəli Suleymanov. Ostoro əjiyon mayə manqi 9 də çəvon qurisə omən vılə çanbəşon noə. Ostorojon deştə canqbozə fərzəndon ıştəni pekırnidən.

Xıdo əvoni rəhmət bıko!

Ostoro – Həmoşam Sərdor Bunyadov.