Nikol Paşinyan: “Bəlkəmən mızokirəonədə çı tolışon nımoyəndə heyət yaanki ləzgion, kırdon iyən Ozobiconədə jiə co xəlğon nımoyəndon iştirok bəkarden”

TolishMedia informasiyə agentəti muxbir Yerevan şəhəriku xəbə dodə ki, çı Ermənistoni iminə vəzir Nikol Paşinyani de “Shant” telekanali eksluzivə mısohibədə ijən tolışon barədə gəp jəşe.

Xısusən, bo Ğərəboği mınoğişə həll karde ro Ozobiconi Respublikə tojə təklifon həxədə parsi cəvobədə Nikol Paşinyani ğeydış kardə: “Artsax Respublikə nımoyəndə həxış heste ıştə həmməy şəhrvandon təmsil karde. Əmma ehanə çı Ozobiconi prezident səlohiyətdor ni ıştə məmləkəti həmməy şəhrvandon təmsil karde iyən bo ımi ro Ozobiconi şəhrvandon co-co grupon mızokironədə bəpe iştirok bıkən, bəvədə mıxtəlifə sıvolon bə məydon omedən.

Bəlkəmən bo mızokirə karde ro Boku, Gazax, Gəncə şəhəronku coylinə heyəton bomen, mımkune ki çı tolışon nımoyəndə heyət yaanki çı ləzgion, kırdon iyən Ozobiconədə jiə co xəlğon nımoyəndəon iştirok bıkən”.

Comments

Be the first to comment on this article

Leave a Reply

Your email address will not be published. Required fields are marked *

Go to TOP