TolishMedia   informasiyə agentəti muxbir xəbə dodə ki, iyunə mangi 19-21-ədə Sankt-Peterburgi Dovlətiə Universiteti Şərğşınosəti fakultədə bə Asiyə iyən Afrikə məmləkəton səvonşınosəti iyən tarıxşınosəti həsr bıə 30-minə beynəlxəlğə elmiə kongres dəvoniə bə.

De dınyo curbəcurə məmləkətono xəyli tədğığotəvonon bə ico Tolışi Milliə Akademiə koəkə İqbal Əbilovi kongresədə sıxan votəşe iyən ıştə “Tolışə zıvonədə sovetə kitobon (1929-1938): tədğığ kardə nıbə irs” nomo məruzə edaştəşe.

Tolışə alim 1929-nə sorədə bino bə tolışə nəşriyoti iyən məktəbə təhsili həxədə gəp jəşe ki detobə 1930-nə soron oxoy dəvom kardəşe. Məruzəvoni çap bıə kitobon iyən çəvon mıəllifon, Zulfyğar Əhmədzodə, Muzəffər Nəsirli, Şohub Mursəlovi həxədə gəp jəşe. Sıvoy çımi İqbal Əvilovi “Yolə terrori” soronədə bə tolışə ruşinfikon mınosibətədə repressiyə barədə sıxan votəşe.

Ğeyd bıkəmon ki, ım siyosəti həm tolışə zıvonədə nəşriyoti iyən məktəbə təhsili səş noe, həmən tolışə milləti de zuy assimilyasiyə karde bino bıə.