TolishMedia informasiyə agentəti muxbir Boku şəhəriku xəbə dodə ki, “Amnesty İnternational” beynəlxəlğə huğuğə mıdofiə təşkiloti UEFA-ş tənğıd kardə bo Avropa Liga oxonə hənəki Boku şəhərədə dəvonie ro.

Bə “Amnesty İnternational”-i eloni əsosi, Ozobiconədə de curbəcurə roon insoni huğuğon dəgordıniə bedən iyən insoni huğuğon sahə gıləy vey gonə vəzyətədəy, çumçıko barzəkeyfiyətinə futbolə hənəkon ım məmləkətədə dəvonie əbıni.

Çı təşkiloti İngiltətə şobə rəis Keyt Alleni elonış kardə ki, jurnaliston, huğuğı mıdofiəkoron iyən blogeron huğuğon dəgordıniə bedən. Əy əlovəş kardə ki, odəmon təğib kardə bedən, iyən hakimon beədolətə ğəroron ğəbul kardedən. Bə çəy sıxanon əsosi, çı Avropa Ligay şirmə peştədə Ozobiconi cəhdış kardə şəffofəti iyən ojəti təəsuroti soxte.