Ostoro çayə hiyonədə peş mayə manqi iminəı çayçıniey, iyunə manqi dıminə çayçıniey oqarde. Çay çe tolışə zəmini sərvət bey holədə, tolışon de ıştə çınyə çay ıştə jimoni dəvoniey zındənin. Isət har çınyə çay puli foydə, çəmə Tolışstonədə nıştə yeraz – naxçivani həjəmon peqətedən. Bıvotəmon hejo Ostoro xan Ğəzənfər Ağayev. Əv çe curəş karde pidə, jəqoən de tolışə xəlği rəvidə, Ostoroədə bə odəmon sə xok ekardə. Tolışstoni co rayonən həmə bı rujədən.

Qətımkorə əliyevi rejimi həjəmon, Səlyon, Natəçolə, Biləsıvo, Cəlilabad, Masal, Vərqədiz, Lankon, Lik, Ostoroədə bə tolışon çəş dodən, ruşnə dodənin. Navko SSRİ vaxti tolışon iqlə hejo de ıştə qırdə kardə çay ıştə xıyzoni de boli – puri noğo ədəyn. Isət çoknəy vindəmon de çoğol Heydər Əliyevi dasti çəmə çayəhiyon kulət kardə bin, əmə mandəmon iqlə bə Rusiyadə ko kardə  ıştə əğılon umi.Qirəm Rusiyada bo har tolışə xıyzoni har manq pul nıvo, odəmon vəşi bəmanden.

Mande Ostoroədə çəmə vində çayəhiyon, həni bə çəmə xəlği foydə dodənin. Çı çayəhiyon foydə əliyevi hukməti həjəmon vindən. Tolışə xəlğ çı həjəmon dastədə ıştə ənkon zəminədə dastqire. Əve Ostoroədə çayçıniey dıminə oqardən bıbu, çımi bə tolışə milləti hiç qılə foydəş ni. Bı koədə bo çəmə milləti iqlə nokəti mandə. Xıdo bə tolışi koməq bıbo! Amin!

Ostoro – Arçon.

Sərdor Bunyadov.