Bı navoni kali sayton Masali Maliyə xonə Azər Abdullayevi barədə bey qılə ğalmağalinə rımuzışon pevılo kardə. Bı pevılo kardəbə rımuzədə jıqo nıvıştənki, mılxəs Azər Abdullayevi kəyku 8 milyon manat dızdiəşone, əyən çımiku psixi noxəşətiş dəvoniyəşe bə həvo dəşə. Navədə bə şımə əy xəbə bıdəmon ki, Azər Abdullayev Masali rayoni Tojə Alvadi divoje. Azər Abdullayev dıroz qılə vaxtədə Masali rayoni Doyənə, Sosial qərdənikəşə onemonədə koş kardə, həşə.

2012– nə soriku jıqo Masali Rayoni maliyə xonə sərdorəti vəzifədə ko kardə.Əv diədə şomqo vaxti tokiyədə bə ğəzitəyə eqıniyə, qılə motosiklet əromi əvış jə. Əve Azər Abdullayev yarəjə beyro çand vaxte de ıştə xəşiyəti anqıl omandəbe. Isət Əfqan Sadıqlı nomədə qılə jurnalisti çe əy barədə nıvıştə ım du– təlbisə nıvıştəy sərostətiku xəbə dodəni . Əmə de Azər Abdullayevi aramon oqəte, əv sırəy jıqo cəvobış doy : Imon hiç niyədə mınışon bə həmə dınyo cərışon karde. Oxo jurnaliston jıqo çiyon nıvıştəydə, bə kom səvonon istinad kardən?

Azər Abdullayevi barədə çe əy divojonən çəy votəyonış təsdığ kardəşone. Ko bımədəy ki, Tolışə zəmini jıqo kələntərə merdon ləkəjor karde bo ki sərf kardə? Qasbu bo Azər Abdullayevi vırə qılə naxçıvanıj ya yeraz hozo kardəşone? Xıdo ıştən bə tolışi koməq bıko. Amin!

Masal – Tojə Alvadi.

Sərdor Bunyadov.