Lankonədə çe həməkəsi çok zınəkəs, bəy ğurb nokəs Sadiq nomədə qılə beçirə, fəğırə tolışi ıştə dınyoş ovaxte. Çe Xıdo rəhmət bıko, Sadiqi mardə ləşi Lankoni Azribə kujə Əbəlfəzlə- Əbbas nomədə məçitədə bəşırten, ğusl bədon, bə kəfən bəqəten. Çe Sadiqi mardi Boku – Ostoro pıştəroy kəno Lankoni həndəvərədə nuə tıbəsoədə dəbakanden.

Sadiq Lankoni əjiyon tono hejo ğurbədə bey. Əjiyon bəy ıştə zuvışkiyə koməqi kardəbin, bəy pulə dastqətəti kardəbin. Əv vəhəmi noxəşiku mardə. Çe əy bo ıştə noxəşi çok kardeku dəmon– darzən səy qirəvəş nıbe. Odəmon bəy dast qətedəbin.Mande çe əy noxəşi oqardış kardəbe, əvış çəməku səşe bardışe bə Xıdo dərqo. Ve fəğır iyən beçizə odəm bıə Sadiq çe Ozobiconi hukməti de tolışon rəvimoni nımunəy.

Tolışon hiç odəmi vırədə nınoə ım xətokorə əliyevi səobırniyə  hukmət nə tolışi həxi nə bəy beynəlxəlğə onemonon doə dəsturon bə vırə rosnidə. Tolışon bo ıştə ozodə jimoniro iqlə roşon heste , əv roən çe Tolışstoni ozodəti roy. Çəmə dəvlətmədorəti bərpo, çəmə jimoni tazisə vardə iqləliyə sərostə roy.

Xıdo bə tolışon bı roədə ovand bıdo. Amin!

Lankon – Azribə kujə.

Sərdor Bunyadov.