“525-ci qəzeti” dəvoniyə keşi əbard.

Ozobiconi paytaxt Bokuədə  beşə “525-ci qəzeti” “Da misraynə” şeerə keşi əbard Lankoni cərə şairə moynə Xatirə Xatun beşə. Xatirə Xatunu tırki zıvonədə nıvıştəyro çəy çe keşi əbardə şairə nomi səyro bəy çəışiruşini doy kom dərəcədə səroste!

Oxo bı jıqo çi tolışon bəpe ve şoy–voy nıkən. Çumçıko jıqo çiyon çəmə xəlği jəqonəyən assimiliyasiyada bey holi tikəyən bə nığıli bardedən. Cıvononən jıqo çi vindən, ımən əvoni ıştə nənə zıvon tolışə zıvonisə ney, tırkə zıvoni həvəndisə, tırkə zıvoni xaxanisə bardə.

Orəxnə vaxtonədə, Ozobiconi hukməti dılışe əməni jıqo bıkə, dey çe əmə nom çe əmə nomo beşu. De jıqo çəmi əvon ıştə mırdolə eçıni bə vırə rosnidən. Jıqo çiyonədə çe əmə səvodinə odəmon bəpe bı jıqo mırdolə eçıni vəynə beşə avanqard bıbun.

Mande çe ımi vəynə əmə vindəmon ki, çe əmə ənıvışt, ziyaliyon bə tırkə zıvoni zu doydən, ıştə xəlği asimilasiya kardeyədə çı tolışə xəlği deşmenon dastədə bə əbjor peqardən. Əve əmə ıştə tono bə Xatirə Xatuni çəşiruşini doydənimon. Bə çəmə şairə – tolışə xanımi dırozə ji iyən ıştə nənə zıvon tolışiədə nıvışte orzu kardəmon.

Boku – Lankon.

Sərdor Bunyadov.

Comments

Be the first to comment on this article

Leave a Reply

Your email address will not be published. Required fields are marked *

Go to TOP