Səlyoni məktəbonədə təhsili hol ve jinə fayədəy.Məktəbonədə əhandə tələbon har ruj de curbəcurə kaşiyon rubəru omedən. Ozobiconi təhsil sistem çe pulxorəti kuti onəşone. Həm dərs doə ustodonku, həmən handə tələbonku bo har çi pul qırdə karde bənəy soyə holiey. Ko bımədəy ki, manqədə 2 həzo mıjdi sə məmuron i manqi mıjdi 200 mənoti ğərolədə bıə ustodonku rışvə səydən.

Ustodonən çımi vırədə ıştə tələbonku bor har qılə tədbiri pul qırdə karde tovədə mandən. Zu həmə eqınidə bə tələbon kosibə iyən beçizə yolon. Im Ozobicon nomədə keşvəri dınyo dimisə analoqış ni. Bı barədə Səlyoni Arbaton nomədə di əji 5 qılə əğıli dədə Mirkərim Həsənov jıqo votedə:

“Az ko kardənim, 5 qılə əğılım handə, çlımi jimon de çımı soxtə ovdımoni davardə. Mol–mələ oqətedəm iyən daştədə kamişi zəmini vırəm heste əyo de kaşdıqıli səm ğale. Az çoknəy de jıqo saxtə jimoni dıqlə əğıli inistitutədə se qılə əğıliən miyonə məktəbədə bahandovnom!  Həm inistitutədə həmən miyonə məktəbədə əğılonku  pulışon pidə. Kali bəjən jıqo tovədə mandəm, dılıme ıştəni ehaştom. Oxo çəmə jimon kəynə sərost bəbe? Dı bəboli bı keşvərədə jiə odəmon holi”.

Xosə tolışon, çe əmə əjiyon hejo jıqo koroğon bəkəşen, taki əmə ıştə dəvlətmədorəti bərpo nıkəmon, ıştən dast–ıştən yəxə nıbəmon.

Səlyon–Abaton.

Sərdor Bunyadov.