Bə əmə rəsə rımuziku, Ozobicon nomədə pesoxtə keşvəri “Azərsu” nomədə dastqo Səlyoni şəhəri ve vıronədə  ovış bırniyəşe. Ko bımıdəy ki, dey şəhidon xıyobon nomədə kuçədə ovışon  bırniyə. Tovostoni bı zılzılə manqədə, odəmon bəpe çiç bıkən? Səlyonədə çe əjiyon ovi bırniey, bə əvon marde hıkmi bırnieye. Jəqonəy qəvbəpuri çe vətənpərvərətiku ehandən, mande bo Səlyoni əjiyon ruşnə ruji bə toyk oqordonidən. Kıve şımə dınyoədə analoqış nıbə ovcbemon? Kıve anəndə havatə nati pulon? Şımə boçi bə odəmon sə jıqo mısibəton vardon?

Tolışstoni əjiyon bəpe bəsə dəşun, çe əvon xoşbəxtəti, çe əvon ıştən dastədəy. Çı kujonədə bo əvon dust benıbəşe. 30 sornəni Ozobicon nomədə pesoxtə keşvəri səbəsojəti ımış bo əməş bərmalə karde. Tolışon bənəy odəmi jieyro iqlə roşon heste, əv roən ıştə dəvlətmədorəti one roy! Vəssalam. 

TolishMedia