Ozobiconi iminə pulinə ro
Ozobiconədə iminə pulinə ro Boku – Ələt – Ostoro roy. Bı roysə hələ roy puli erosniyə cınəvon onoəşonni. Roysə maşinon ve de tovi romedən. Bo hırdə maşinon əromon jimoni ve xəton hestin. Dı roy İrono omə bo kırniyə maşinon veyin. De odəmon votəy qirəm roy qəvolonədə roy puli erosniyə cınəvon bınon, bəvədə maşinon bə kam bəben, roy ğzonən aşmard ebəqıniey bə jinton, kam bəben.
Mande Ozobiconi Dəvləti Avtomobili Roy Aqentəti məbuati katib Anar Nəcəfli çı roy həmə odəmon oko doə ro bəbe beyış votə. De kali eksperton votəy, iyo sərko roy de puli ya be pul bey ni, soyəş əve ki, bə bo kırniyə maşinon korsuzisə vey bo barde bəpe çəşənəvoədə oqətə bıbu. Həni əv zıne bedəni, ım koy ki ıştə çəşənəvo jintono obəqəte iyən kəynə bino bakan oqəte. Oxo odəmon har ruj bı roysə mardən, ıştə dınyo ovaxtedən.
Boku – Ələt Ostoro.
Sərdor Bunyadov.
Comments