TolishMedia sayti Tolışstonədə həşə əlehdə muxbir Sərdor Bunyadovi bə şımə avqustə manqi ponzədə roy ğəziyə barədə navədə doə xəbəku nuə rımuzon hestin. Çı roy ğəzo hucobətədə ihəzo nənsa nəveşəşminə sori çe moəmo bıə Babayev Azər Kamrani zoə ğəziyə qınyə vırədə dərhol mardə. Çoknəy navədə xəbəmon doəbe bə Lankoni Mərənqo Noxəşxonə vırəbəvırə kardə dıqlə qonə zəfə sə odəmonədə qıləy , ihəzo nəvsa nəvenəvminə sori çe moəmo bıə Quliyev Amal Kamali zoə çe pezışkon çanəndə həşi holədə hiç curə mardi dasto peroxniey qirəvəş bıəni, ıştə dınyoş noxəşxonədəş ovaxtə. Co qılə qonəzəfə sə ihəzo nəvsa nəveşəşminə sori çe moəmo bıə Aydın Bağırovi hol normale. Bə şımə vir əyən dağandəmon ki, bə ğəziyə eqıniyə maşin jıqo dıvəlunə bıə ki, yarəjə odəmonışon çəyo de maşini bırniey çəmi bekardəşone.

Tolish Media