De çe əmə əlehdə muxbiri doə xəbə Ələt – Ostoro pıştəroy 180 kilometrədə roy ğəziyə qınyə. Masali əji ihəzo nəvsa haftopencminə sori çe moəmo bıə Nəsirov Murşud Cumşudi zoə romə “Vaz 2106” markəynə Jiquli maşini de Limani qəsəbə əji ihəzonəvsa şestınəvminə sori moəmo bıə Əzimov Vidadi Rustəmi zoə romə “VAZ 2107” jiquli markıynə maşini ğapbəğap omən . Əzimov Vidadi ğəziyə vırədə ıştə dınyoş ovaxtə.

Çe əy mardələş bə Lankoni Məhkəmə Tibbi Ekspert Mərənqo doə bıə. Çı xıyzoni co qılə odəm, moynə, maşini sərnışın ihəzo nəvsa haftohəşminə sori çe moəmo bıə Əzimova Aynur Vahabi kinə bı ğəziyədə qonə zəfəş sə. Əvışon bə Masali rayoni Mərənqo Noxəşxonəşon vırəbəvırə kardəşone. Dı koy anqıl cinoyəti ko rosışon kardə. Xıdo mardəkəsi rəhmət, zəfə səkəsi xəş bıko.