Ostorədə bırzi devın

Ostoro hələ dey ğədimiku de ıştə foydəninə bırzi cəre.

Ostoro zəminədə perosniyə “Haşimi”, “Həsəni”, “Sədri” , “Çanpo”, “Çin” “Çıləyə” iyən co bırzon tispir qəvonədə cəre. Imsor bo bırz kaşte, tuk karde həvo bə zəminəkaşton çokə qirəvəş doy. Əve Ostoroədə ısət şartukə devıni şin vaxte. Ostoro rayoni Arçiyon, Artupa, Səncərədi, Kəkəlos iyən co diyonədə bo şartuki devın kardero kombayinon bə hiyon eqıniyən.

Zəminəkaşton kəşə anəndə zəhməti Ozobicon nomədə pesoxtə keşvər bə lınqı – ləğe jəydə. Odəmon bo ıştə hi devın kardero bə kombayni doə pul, sori dırozi çe əvon tukədə kəşə zəhmət bə bırzi molyəti qınidəni. Çumçıko dukononədə bırzi molyət çe tuk kardə odəmon bırzi bəhəri səkıştəsə erjone. Jıqo holədə tuk karde bə odəmon çanəndə foydə doydə əyən çok vindəmon. Mande demiyən jıqo zəhmətkəşə tolışon ıştə zəminon kaştən, ıştə ovdomoni ovc kardən.

Xıdo bə tolışə milləti koməq bıbo. Çe əmə millət ıştə dəvlətmədorəti bərpo bıko, əmə ıştən – ıştəni həməysə çok, penə fayədə noğo bədomon. Xıdo bə miyonqəzon, bə çoğolon, bə kamfırsəton fırsət nıdo.

Bıji Tolışston!

Ostoro – Arçion – Kəkəlos.

Sərdor Bunyadov.

Comments

Be the first to comment on this article

Leave a Reply

Your email address will not be published. Required fields are marked *

Go to TOP