Ozobiconədə məmuron hayboştənəti odəmonış bə zinhor vardə. Əvon həm ıştən həmən de ıştə nezə odəmon dasti bo əjiyon har curə kaşiyon bə miyon vardən. Çe har curə çırkinə koyku opırtidənin, taki ım çe əvon kardə ko bo əvono pul buə.

Xaliq Məmmədov SOKAR – kadr, rejim iyən texnoloqiya  kutisə vitse prezidente. Kamişi çımi bə nav çe əy zoə SOKAR – i Tırkiyədə navkonəni nımoyondə Kənan Məmmədovi nom FETO koədə bə qəvon eqıniyəbe. Hejo bı koyro əvışon Tırkiyəku bə dumo vanqışon karde, de şirkətiən çe əy dastpo bırniyə bey. Mande çe əy pıə Xaliq Məmmədov de FETO koy anqıl bə təyğəton vanqən kardə bıbun, ıştə koədə mande, hələən ko kardə.

Çı koy vində ko ıme ki, ım Xaliq Məmmədov iqlə de ıştə koy vırə oqəte rozi bıəni, əv tikəyən ğoym, tikəyən zumand bıə. Əve ıştə boəş Tolışstoni zəminədə çe “Azərçay” sərdorış noə. Demiyən ım odəm Tolışstoni zəminədə bj əjiyon sosial noroiziyəti onəşe. Bı barədə bə əmə Tolışstoni əjiyon çı odəmi kardə haboştənətiku bezo beyku bə şəv – bə ruj nıvıştən. Xıdo ıştən bə əjiyon koməq bıbo!

Boku – Lankon.

Sərdor Bunyadov.