Çe Ozobiconi muxalifəti, bə xosiyən çe Ozobiconi Xəlqi Hımıcımi onemoni havarəkəş Elvin İsayev Rusiyaku beğandə bəbe. Bı barədə avqustə manqi 26–də Sankt-Peterburqi Dszerjenski rayoni məhkəmə de Tatyana Musyaki sərdorəti  jıqo ğərarış ğəbul kardə. De Elvin İsayevi vəkil Anton Pavlovi votəy əvon çe məhkəmə ım ğərari da ruji vaxti dılədə sənibəton bə apeliyasiya məhkəmə bədon. Hələynə Elvin İsayev Sankt – Peterburqi Krasnaya – Selo nomədə qəsəbədə vırəş qətə SİZO–də oqətə bəbe.

Elvin İsayevi Rusiya şəhərvandətiş vist sor çımi bə nav səşe. Isət jıqo beşedə çe əy şəhərvandəti de sərostə ro səşon nibən. Sıxan ni, ımən bo Elvini bə Ozobicon dəro kardero formal qılə kaşiey. Bəşmə vir dəğandəmon ki, Elvin İsayev ıştə kəşə  videonədə Ozobiconi hukməti məmuron barədə noxoşə sıxanon kardəbe, həmən bə Azerifredium kanali dastqətəti kardəbe. Sovı bımiyən Elvin İsayevi Sankt – Peterburqədə de Ozobiconi pərçəmi iyəv de AzeriFredum tv embelema dəvoniyə avtoyurişən bo çəy sə bə bəlo peqarde.

Qirəm Elvin İsayevi bə Ozobicon deport bıkon, çe əy jen iyən dı qılə əğıl besəyvon bamande, həmən Elvin İsayevi əyo bəkışten. Xıdo bəy koməq bıbu.

TolishMedia