Tolışon Siprişon Penə Şura İyən TMMR – muhacirə hukuməti xonə de Cəmil Hacıyevi koy anqıl Ozobiconi hukumətiku Tələb – Ovardemonışon pevılo kardə

Tolışi Siprişon Penə Şura, Tolış Mığon Muxtar Respublika Muhacirə hukuməti Tolışstoni iyən keşvəri dılədə sərboz – canqovər Cəbrayıl (Cəmil) Hacıyevi tono – kəno onəbıə, tars- larz doə hənəki  çe məhkəmə timosolədə hənqomə barədə

OVARDEMON !

Sentyabırə manqi 13 – də, 2019 – nə sori tarixədə Lankoni rayoni məhkəmədə çand manqone damadə şə pesoxtə təyğəti – məhkəmə ko, vey bəzıne bey ki, iminə poplinkə bəsə qıniey. De Toğrul Məmmədovi məhkəmə sərdorəti, Rafail Bədəlovi prokurorəti handə tambeh, çımi holədə har dıynən toni dustiəti roziyəti ray səy bəpeştə, Ozobiconi zəmini iconəti roədə canq kardə qəhrəmanonədə qıləy, canqi 2- nə qrupi əlil Cəbrayıl Hacıyevi barədə çe əy  roədə  canq kardə odəmi barədə de həmonə Dəvləti Xətokorəti Məcəllə 221.2.1 maddə riyə 1 sor çe əy boə Əfqanıstani canqi veteran, 2 – nə qrupi əlil İsi Hacıyevi de 127.2.3 iyən 221.2.1 xətokorəti maddə 1 sor, 6 mnaq məcburi koşon pehandə.

Ve çoçinə ko əve ki, bo dustiədə ray doə Qorxmaz Hacıyevən hejo de jıqo xətokorəti maddə qınokor zıne bey holədə  bəyən 10 manqi icbari koy tambe pehandəşone. Hukumət demiyən bə qəhrəman Cəbrayıl (Cəmil) Hacıyevi ğədəğəş karde ki, qirəm əy piyəşe keşvərədə həmən Tolışə xəlği jimoni roədə içtimayi – siyasi koədə hımıcım karde, bəvədə əy sənibəton de pesoxtə tambe dastqir karde xəto jintono oqətedə. Im ğədəğə çe qırd “pentono” ome millət ve çok bəsə dəşedə. Cəmil Hacıyevi içtimayi – siyasi hımıcımi osəmə, əy nimədə haştəkəson, vey qonən bıbu, kəynə çe əvon zəmini roədə canq kardə zəmini odəmonin!

Tolışi Siprişon Penə Şura iyən Tolış – Mığon Muxtarə Respublika Muhacirə hukuməti bey holədə, Ozobiconi Respublika holiyədə ım hukmət – dınyo dəsturon bənəy həjəmə darışte holədə , qəhrəman Cəmil Hacıyevi iyən çe əy nezə odəmon bezo karde, əvon kuncənışon kardə har qılə koyku çe əvon dast kəşey TƏLƏB KARDƏMON!

Tolışi Siprişon Penə Şura,

Tolış Mığon Muxtar Respublika Muhacirə hukuməti xonə.

Comments

Be the first to comment on this article

Leave a Reply

Your email address will not be published. Required fields are marked *

Go to TOP