Demokratikə Ğıvvon Milliə Şurə (DĞMŞ) sentyabrə mangi 28-nə rujədə nubətinə etirozinə mitingış təyin kardə. De ım aksiyə DGMŞ demokratikə səçınon dəvonie, siyosiə məhbuson ozod karde, sosialə problemon həll karde tələb bəkarden. Çımi barədə Demokratikə․

Ğıvvon Milliə Şurə koordinasiyə mərkəzi uzv, çı Ozobiconi Milliə Cəbhə Partiyə rəis Əli Kərimli elon kardəşe.

Bə çəy sıxanon əsosi, DĞMŞ sentyabrə mangi 13-ədə bə Boku şəhəri icro hakimiyəti mitingi dəvonie ıştə məğsədi barədə xəbədoə məktub vığandəşe.

DGMŞ bo mitingi dəvonie ro 3 gılə vırə təklif kardəşe: “Maya mangi 28” metro stansiyə vədə bıə məydon, Tofig Bəhramovi stadioni vədə bıə məydon yaanki Nərimanov parki vədə bıə məydon.

Bə yod dəğandəmon ki, 2019-nə sori yavari 19-i mitingi bəpeştə Boku hakimiyəti bə mıxolifəti hiç gılə mitingi icozə doəş ni.