Aşurə ruji Ozobiconədə, Səhiyə Vəzirəti iyən Qafqazi Mısılmonon Onemoni bə ico onə xun doy dastqoədə 169 nəfər odəmi xunədə xətoynə noxəşiyon pəydo bin. Vəzirətiku jıqo rımuz omutə bıə ki, ım odəmon həmə de ıştə xoşi bə xun doə dastqo omujən bıən.

Jəqonəy həməyəvo bı xun səy dastqoədə 614. 1 litr xun qırdə kardəşone. Ço qılə ineksiya kardə Boku Xuni Mərənqo analizi vaxti 169 xonəxo xunədə xətoyniyə noxəşinon  bə dim beşən. HİV1/2 (QİÇS) nomədə  virus hiç kəsi xunədə pəydo bıəni. Mande 44 xonəxo xunədə HbsAg (hepatit B), 76 xonəxo xunədə HCV (hepatit C), 49 xonəxo xunədə siflis pəydo bıə. De çe əvon doə xəbə, əv xunon binim bəvonədə noxəşinə xun bə dim beşə, əvoni co sofə xunin ku ebəsındınyen.

Mande həni Səhiyə vəzirəti çə noxəşinon barədə hiç qılə rımuz doydəni. Oxo əvoni bə xəşi bekarde lazime. Qirəm hələ çı kamə faizə aşmardə odəmon dılədə nızıne – nızıne anəndə noxəşin heste, bızın holiyədə əjiyon xəşi hol kom vırədəy. Im Ozobicon nomədə çı pesoxtə keşvəri, ımrujnə hole. Jıqo bışu heje de jıqo virusinə noxəşiyon əjiyon qədə – qədə ləpeç bəben. Həni çı iqtidori əvoni bo vəşi kıştə ruji nubə əmandıni. Jıqo – jıqo koon!

TolishMedia