Həbibov Fəxrəddin Rza zo, Lankoni Osyokujə nomədə diədə 1962 – nə sori çe moəmo bıə. Detobə ımrujnə reuji mandə bəbəy 57 sori dılə əbiy. 1992 – nə sori Fəxrəddin Həbibov Rza zoə çe Lankoni batalyoni Xərəboğədə canq kardə sərdor bey. Əv Xərəboği erməniyon jiyə Martuni rayoni Kasapeti bandonədə de tanki bə mina eqıniyə həlok bıə.

Əvışon bə Boku Semaşko nomədə noxəşxonəşon rosniyəşone, mande pezışkon bə  çəy noxəşi çarə kardeşon zınəşonni.  Bəçəyro çe əy vekon iyən andomi co vıron sutən çe vəci qınyənbən. Mayor Fəxrəddin Həbibob çe tırkon zəmini qərdəni kəşe roədə de tolışon hiç qılə ko nıbə erməniyon kıştəbe, de əvon canq kardəbe, erməniyon çe əvon zəminədə ğır kardəbe. Imrujnə rujədə Ozobicon nomədə qıləy dəvlət çı dəvləti bə ıştə  titulunə xəlğ votə xəlğ, tırkon Həbibov Fəxrəddini barədə, çe əy nomi barədə hiç qılə vırədə, hiç çe interneti loonədən nıvıştəşon ni.

Əmə bo Fəxrəddin Həbibovi nomi bo əçəy şəkili vey nəvəymon, mande çe əy nom iyən şəkili pəydo karde bo əmə saxtə ko bey. İ manq nəvəymon, orəxədə çe tolışi kələntərə zoə Fəxrəddin Həbibovi şəkil çe əy səy sıği kutisə bo əməınışon Lankono kəşəşone vığandeşone. Xosə Tolışon ısət vindon çe əmə anəndə kələntərə zoon ıştənışon çı nomerdon, nocinson roysə bə beko kıştışone? Diəkənəmon bo ıştə pand peqətəmon. Xıdo bə əmə pand iyən milli ğıryət bıdo. Amin!

TolishMedia