Bo məktəbon texniki ovdomoni tazisə vardero har sor bo texniki məktəbon, inistituton, kolecon iyən co vıronbinim əyo bo ayəndon sənətkon hozo kardən çanəndə pulon co kardə bedən. Demiyən jıqo ım pulon bo həmonə təhsili dastqon xarc karde nome əy dətor jəydən hardən. Bı jıqo koy hukuməti penə fayədə qirəvə kardən. Pulon vığandə bedən bə har qılə dərhəl vardero onə dastqon, əv pulonən çəyo qədə – qədə moledən. Çə pulonədə i tiriti vığandə bedə bə hukməti penə xonədə nıştəkəson, i tiritən rayoni fayədə nıştə sərdoron, əmandəniyən  çı koy bə vırə rosniyə onemon vığvonidən, hardən.

Jıqo dastqoənədə qıləyən Lankoni Tibb Koleci bə dərhəl varde çe əy texniki əbjoron tazisə vardero 100 həzo manatisə ve  tenderi bardə dastqo sərdor ihəzo nəvsa şestminə sori çe moəmo bıə Qəribova  Bahare.Çı moynə nom bı koədə bənəy sərdori şedə, mande çe əy xıyzon həmə bı koədə çoknəy bəvoten dastpoçədəy. Lankoni Tibbi kollecədə 3 sor təhsil səydən. Kollecədə 43 qılə ustod ko kardə. İyo sesaponcosə vey tələbə handə. Bı kolecədə detobə ısətnə ruji 2 manati ğərolədə dərhəli ko bardəşone, mande bo dərhəl vardero 104.147 manat pul co kardəşone. Lankoni Tibb Koleci dərhəl varde tenderi əbard “Texmetal” MMC dastqo sərdor Qəribov Mehman de “Amin- TA” MMC dastqo sərdor Bahar Qəribova iqlə vırədə pasporti nomjədən, jenı – şun.

Ha iyo har çi bərmalə bedə. Im pulxoron de ıştə pentono nıştə pulxorə əğon bo təhsili vıron co kardə pulon hardən, məktəbonən çoknəy vindəmon, qırd bevəcə rujədən. Xıdo ıştən bə haray bırəso.

Boku – Lankon.

Sərdor Bunyadov.