Bokuədə “Marafon” nomədə basketbol hənək kardə klubi natəçoləvojə nımoyəndə Ceyhun Əhmədov de ıştə zu iyən piəy Natəçolədə baksetboli komandəş one pidəşe. Sıxan rosti əy binoş kardə bo komanda qırdə karde. Natəçolə nuperəson bı koy vey de dastpoçətiəti doço qınyən.

Tolışi zəminədə baksetboli dastqo bino bedə. Jıqo bışu kırt qılə vavtədə bə Natəçolə, Səlyon, Biləsıvo, Cəlilabads, Masal omujən bəbey. Mande ım ko bəpe dəvlət bıkə iyən bı koy hukuməti bıdcədə pul co bıkə. Oxo ım vırə pesoxtə keşvər Ozobicone, çı ım vırə ıştən famemoni fayəş heste.

Bə xosiyən qirəm ım vırə Tolışstoni zəminebu, bəvədə hiç qılə çokə çiy barədə peştıpurətiən bə çəş əçıni. Im mırdolə tobyə bə tolışon, bə çe əvon zəmini, bə çe əvon fərhənqi, bə çe əvon tarixi, bə çe əvom musiqi, bə çe əvon miji canqışon səlo jə. Çı jıqo ənəcərə tobyon dılədə har qılə kardə koy hiç qılə foydəş əbıni.

Oxo ım ənəcəron fərhənqi çiç bey zındənin. Imon iqlə savdıkorəti iyən odəm kışte çəmi zınedən. Tolışon çiç kardən bıkən, foydəş ni. Çumçıku ım ənəcəron iqlə zuy zıvoni  bəsə dəşedən, odəmə zıvon bı ımon omə ni. Tolışon taki ıştə dəvlətmədorati onınən, nə baksetbol, nə futbol, nə voleybol nəən həndbol bə çe əvon koməq əvoni. Xıdo bə çe əmə milləti ğıryət bıdo ki, rə pelıvəmon ıştə dəvlətmədorəti onəmon, çı ənəcəron dasto perəxəmon!