Almaniya Deqqendorf nomədə şəhərədə bo muhaciron mandə laqerədə afrikavıjon de ozobiconıjon aradə eqıniyə daveyədə Azər Kazımzadən qınokor zınə bedə, əve Almaniya polisi əvışən bo təyğət bardero dastqirış kardə. De çe əmə omutə rımuzi riyə, A. Kazımzadə dave karde, bə afrikavıjon sığ ğande bə kameron eqıniyən. Əve təyğəton şedən, qirəm jəqo bıbu, bəvədə Azər Kazımzadə çokə çiyon çəş kardəni. Vote bəbe çe əy muhacirəti jimonən jıqo bə sə bəqıniey.

Çı koy co tonən ve pape bıə koy. Azər Kazımzadə Almaniya dəvləti dəsturonış darıştəşe, əvışonən hejo bı çımiro dastqirışon kardə. Qirəm ım dave Rusiyada bəbəy, əy cəyimə əkəyn vaədəyn. Mande Almaniya dəvləti ıştə cəzo metodonış heste. Ha,  çoknəy vindəmon bə Almaniya dəsturon ve ğurb noəkəson hiç Azəri barədə iqlə sıxanən bə ıştə qəv vardənin. Xıdo nıkardə, Xıdo nıməsə ım ko Rusiyadə bəbəy, ısət yolı – ruk həmə zırnobəqəvbin ki,” filəğət Rusiya boçi tolışon dastqir kardə”?.

Dıminə kaşi ıme ki, Azəri koy bə əmə nişoş doy ki, ki çı ozobiconəti dumo eqınidə çe əy orəx puçe. Tolış taki bəsə dənışu ki, əv bə co kəson ney, bə ıştə ıştən xəlği lazime bəyo rəxey ni. Xıdo ıştən bə çe əmə xəlği koməq bıko! Amin!

TolishMedia