Lankoni icra yoli nimsərdor Rasilə Əliyeva behəyoəti marz zındəni. Bı bəjən ım behəyo bə Lankoni əjiyonış jıqo tovış doə : “Bo ıştə bə məktəb şə əğılon olati bəpe hukmən çe əmə votə dukononədə bıstənon”. Peşo jıqo bərmalə bıə ki, ım dukonon çe əy de rayoni icra yol Taleh Qaraşovi xanboznə dukononin.

Rasilə Əliyeva barədə Lankonədə əfsanon nəvedən. Im behəyoə moynə de Talh Qaraşovi “çaşkə- loşkə” bıə, bə Lankoni əjiyon sə xok ekardə. Odəm bəpe çanəndə behəyo bıbu ki, hukuməti bəy doə vəzifədə bınışti, bə əjiyon ğolloğ karde vırədə bə çəvon sə xok ekəy. Oxo ımon bo çiçi anəndə ıştəni bənəy fironi osəmedən? Qasbu jıqo zınedən, əvon çe xəlği əğən? Im behəyoə moynən bə ıştə votə sıxani bo çiçi i bəjən pape bedəni?

Bənəy Taleh Qaraşovi qıləy kuj omə çe əmə zəminədə asp tojnidə. Hələ ım kame qıləyən tolışə moynə bəy anqıl qıniyə bə əjiyon xun doydə pevarde. Imon bə sə dəşedənin ki, i ruj bome əvonən xun pevarde tovədə bəmanden? Parson veyin, mande bı parson cəvobon rə – di ıştə vırə bəsten. Çəş vində koən əve ki, hələynə Taleh Qaraşov iyən Rasilə Əliyeva qitə Tolışstoni paytaxt Lankonədə ıştə aspi bə dırozi, bə nıvəki tojnidən. Xıdo bə çe əmə milləti ğıryət bıdo ki, çı kujon vıron bə əvon nişo bıdəmon.

Lankon.

Sərdor Bunyadov.