Cəlilabadədə roy ğəziyədə mardəkəs iyən zəfəsəkəson nomon bərmalə bin

Masali rayoni əjiyon ranəndə i həzo nəvsa pencopencminə sori çe moəmo bıə Dadaşov Şikar Əli zoə, sərnışınon, i həzo nəvsa şestıiminə sori çe moəmo bıə Dadaşova Xatirə Əyyubi kinə, i həzo nəvsa həştoçominə sori çe moəmo bıə Dadaşova Xəyolə Şikari kinə iyən, dıhəzo şəşminə sori çe moəmo bıə Əlibəyov Emin İntiqami zoə Cəlilabadədə bə roy ğəzo eqıniyən.

Çı ğəziyə səkıştədə ihəzo nəvsa həştominə sori çe moəmo bıə Masali əji Əlibəyov Emin İntiqami zoə ıştə dınyoş ovaxtə, əmandəniyə odəmon zəfə səşone. Ranəndə hol ve qone, əvışon bə Boku noxəşxonəşon rosniyə.

Bə şımə vir dəğandəmon ki, ım ğəziyə zinə maştəvo bə Cəlilabadi Dələli nomədə di ziyarətqo şə vırədə qıniyə. Ranəndə ıştə romə “Mercedes” markəynə maşini roy ebıriyə qardışədə beroş kardə. Maşini oqəte nızney səkıştədə, çaşin peqardə. İ xonəxo mardə, ço xonəxo yarəjə bıən. De koy anqıl rayoni Polisi Xonə xətokorəti ko rostış kardə.

Masal – Cəlilabad.

Sərdor Bunyadov.

Comments

Be the first to comment on this article

Leave a Reply

Your email address will not be published. Required fields are marked *

Go to TOP