Ostoro rayoni həndəvərədə qonə roy ğəziyə qıniyə. Im qonə roy ğəziyə  Ələt – Ostoro pıştəroy Ostoro Şahğəc nomədə diyku davardə pıştəroysə qıniyə. De çe əmə omutə rımuzi ihəzo nəvsa haftopencminə sori çe moəmo bıə Lankoni şəhəri əji Zaur Mustafa zoə Hacıyev de ıştə romə Lada “ Priora” markəynə, dəvləti nomjə kardə 99NM 246 numrəynə maşini Ələti həvəndisə şə vırədə bə ro beşə qomuşış jə. Çımi səkıştədə ranəndə ve qonə zəfə səşe.

Əvışon çəsponi bə Lankoni Mərənqo Noxəşxonəşon rosniyə, əyoşon bə reanimatsiya xonəşon vırəbəvırə kardə. Maşinədə nıştə sərnışın , Masali rayoni əji hələynə ənərımuz mandə qıləy medr xəyləğ ğəziyə vırədə ıştə dınyoş ovaxtə. Dı koy anqıl Ostoro Rayoni Polisi xonə bo təyğəton bardero xətokorəti barədə koş rostış kardə. Xıdo bə mardəkəsi odəmon səbır bıdo, bə  yarəjə ranəndən xəşi bıdo.

Sərdor Bunyadov.