Avroasiya iconəti qırdəbemon

Ermənistani paytaxt Yerevanədə Avroasiya iconəti keşvəron yolon  qırdəbemon orəxəy. Bı bəjən bə Avroasiya qırdəbemoni omujən beyro İroni prezident Həsən Ruhaniyən bı qırdəbemonədə həşə. İroni dılışe həm bə bə ŞOS həmən bə Avroasiya iconəti keşvəron reçə dəşu.

Dınyo qardış jıqo nişo doydə ki, İron bəpe de ıştə duston əyşt – nışt bıkə nekini de ıştə deşmenə kobəsoni keşvəron bənəy Amerika İconəti Ştaton tispirədə. Avroasiya bı bəjəni qırdəbemonədə çı onemoni de ratatsiya çəmi yoliəti Ermənisatani bə Belarusiyaş edoşte. Hejo həm bı koyro həmən bə Avroasiya iconəti keşvəron dastə nuə keşvəron omujən beyro Yerevanədə davardı 2019 – nə sori vindemon vey foydənin bey.

Avroasiya iconəti keşvəron çe əmə reqioni aşişəti çe əy ovc bey roədə həşə sərisofə keşvəronin. Bə xosiyən Rusiya iyən İron. De çe əmə eksperton zınəy, qirəm İron bə  Avroasiya iconəti keşvəron reçə dəşo, çı iconəti foydə iyən molyət bo çe əmə reqioni xəlğon ve yolə fayədə ıştəni nişo bədoy. Çumçıko İron çe əmə reqioni ve zumandə keşvəronədə qıləye. Orəxnə vaxtonədə İroni de Amerika Hormuz iyən Farsi ova latədə davardə kaşiyon bə əmə iyən bə dınyo ve çiyonış nişo doy. İron iqlə  çe əmə reqioni ney həmən çe dınyo qırd zumandə keşvəronədəy.

Bıji İron, Bıji Tolışston.

TolishMedia.

Comments

Be the first to comment on this article

Leave a Reply

Your email address will not be published. Required fields are marked *

Go to TOP