Oktyabıra manqi 2 də  de hanqomi vaxti saat, bo penci penc ləz mandə, Ozobiconi iyən Ermənistani marzi Qazax rayoni Quşçu Ayrım di həndəvərədə Masali rayoni Qullitəpə soveti Əmirturbə di əji Alışov Səfərəli de qullə yarə mardə. Alışov Səfərəli şestı i sori dılədə bey. Əv ponzə sorisə veye marzi ləşkəri roy ğandə dastqoədo ko kardə. Bə Qazax şəş manq çımi bə nav omə.

Səfərəli Alışovi se qılə fərzəndış heste.  Zinə çe əvon diədə, Əmirturbədə əvışon bə zəmini aspardəşone. Ko bımədəy ki, çe Alışovi marde barədə hiç qılə sərostə rımuz ni. De Ozobiconi ZİV – on doə rımuzi əv bə qullə qıniyə. Mande ımiyən bə erməniyon qi ekardən. Bəməku jıqo qılə xəbə heste ki, Alışov Səfərəli Ozobiconi ləşkəri sərbozi dasti xətoku mardə.

Bı barədə çe əmə odəmon rımuz bardən, qirəm qılə xəbə bə miyon bekarde bızınəmon bə şımə həzo – həlbət bərosniyemon. Mande Ozobiconi jıqo qılə mijış qətə, qirəm i xonəxo mardi qıno ıştəku bə diəro kardənbu, bə çe əy mardi qıləy Ozobiconi pərçəmi edoydən. Ozobiconi prezident İ. Əliyev bı barədə Valdayədə jıqoş votə: “Zinə çe əmə qılə Qazax rayoni əji marzisə bə qullə qıniyə mardə”.

 Çoknəy vindon bo Ozobiconi prezidenti, bo çəy hukməti hiç qılə tavutış ni, ki mardə ki mandə. Im bə əmə əy votedə ki, Alışov Səgərəli kışte hejo çe Ozobiconi təxribate. Əvışon ıştən kıştə ki, bə dınyo faş bıkən ki, vindon əməni kıştdən.

Xıdo ıştən ım milləti çe əliyevon xəto – bəloku bıqordono!

TolishMedia.