Milli Şura Bokuda səkləsinə piketış dəvoniyəşe
Zinə, oktyabıra manqi nəvədə Milli Şura Bokuədə de hukuməti bə ray omə çe əyku roziəti səybəpeşt Boku Şəhəri İcra Hukuməti Roti iyən Ozobiconi İqtisadi Universiteti miyonədə piket dəvoniyəşe. Detobə 50 xonəxo bey zınə bı piketədə bə Milli Şura jıqo şə bo aksiyon dəvoniey vırə doy tələb kardəşone. Piket ve norohətəti vardə fayədə davardə. Hejo bəçəyro iyoşon xəyli aşmardədə polisonışon vardə. Piketi bino nıbə navə bə roziəti omə vırəku bə kəno İstiqlaliyət nomədə kuçə iyən Muxtarov nomədə kuçə ebırədə bə mitinq karde hımıcım omən. Polisi bə əvonış bı koy qirəvəş doəş ni. Həmən oxo bı piketi dəvoniey Boku Şəhəri İcra Xonə ıştənən ıştə roziətiş doə. Demiyən jıqo bı piketədə həşə odəmonədə detobə 50 xonəxo polisi oqətəşe.
Demi haft manqe Boku hukumət bə muxalifəti piket ya mitinq dəvoniey roziəti dodəni. Im beməxə mnuxalifətən çe əvonku roziəti ray çəş kardə. Çiyoən çok vinde bedə çı ımon orəx çiç bəbe. Bənəy Eldəniz Quliyevi hukuməti qələy tulə eqıniyə bı çı ımon nav ki, çiçe – çiçe az bo şımə mitinqi dəvoniey ray səydəm. Hay səşeya, şımənən barde ləzət. Hejo Eldəniz Quliyevən çe Paşayevon odəme. Iştəni hədərə bə dubinkə nav mədənən, kəxobə tolışon binim bo muxalifəti bə kırtəğə oqardəyon. Boənən çe əmo tono qırd bıbənən, çe deşmeni peşti barıştəmon!
Comments