Oktyabırə manqi 10 – də Lankoni Qonə Xətokorəti kardə Məhkəmədə, məhkəmə bardə İlkin Abdullayevi sərdorəti jintono  Vərqədızi ( Yardımli)  Im xətokorəti ımsornə sori fevralə manqi 23 də kardəşone. İ dastə əbjorbədastə odəmon bə Vərqədızi ( Yardımlu) Ləzəran nomədə di hurəcışon kardə, çə di əji B. İskəndərovışon çe əy 9 sornəni zoə çəşi vədə de çəxo hıl – hılışon kardə, kıştəşone. Çı di co əjiyon Pərviz iyən Tərlan İskəndərovon, İbrahim Mirzəyev yarəjə bıən.

Çəyo bə di hyrrəc kardəkəson bə B. İskəndərovi penc qılə hırdə əğılon jiyə roti hurəcışon kardə. Im ğəziyə ve yolə sədoş bekardə. Ləzərzani di 71 qılə əji bə prezident İlham Əliyevi iyən bə sərprokuror Zakir Qaralovi ovrdəşone ki, bə  ım xətokorəti kardəkəson hiç çəşonsə bəv heste votəkəs ni, əvon səbəsoj nəvedən. Martə manqi 5 – də Dıləntonə Koy Vəzir  iyən Sər Prokuror  de Xətokorəti Məcəllə 120.1  maddə ( çe ğəsto odəm kışte) cinoyəti koy rost kardəşone. Hurəc kardəkəsonə qıləyni Teymur Huseynovışon dastqir kardə. Əvaşon de Xətokorəti 120 . 1– nə maddə ( navbənav bo xətokorəti karde səkləs bey) qınokorəti riyə dastqirışon kardə.

Çı xətokorəti co əhəşon Royal Məmmədov, Elşən Huseynov, İsgəndər Huseynov  iyən Zamin Hüseynov  hejo de həmonə maddə bo tambe karde qınokor zıne bedən. Əyən ziyodə bıkəmon ki, ım xətokorəti bo çiçi kardəşone hələn bərmalə kardənin. İqlə peştıpuriyəti bə məhkəımə mandə. Binim ım xətokorəti ğəziyə bo çiçi jıqo qınyə?

Vərqədız (Yardımlu) – Lankon.

Sərdor Bunyadov.