Bokuədə davardə Musavati partiya qurultayədə 338 xonəxo partiya xonəxon həşən. Çı qurultay sərko bo partiya de çe əvon votəy “başqan” səçıniey bey. Bə partiya sərdorəti vırə se qılə namizəd hestbey. Yadiqar Sadıqovi vist qılə, Tofiq Yaqublu penco i qılə, Arif Hacılı ısətboy 262 qılə sədoş qırdə kardəşe. Bulletononədə penc qılə ənəvəc zınə bıə.

Partiya “başqanəti” keşədə dəboxtə Tofiq Yaqubli bə Arif Hacılış çəşruşini doəşe, mande lankoni tırk (Şamaxıku omən) Yadiqar Sadıqovi bə Arif Hacılı çəşiruşiniş doəş ni. Demiyən jıqo çoknəy vindəmon, Musavat Partiyada dəvoniyə səçınəti hejo bənəy Ozobiconi prezidendəti səçıniyəti dəvardə.

Imon demokratiya çiçe zınedənin, jıqo çiy bı ımon oməni. Arif Hacılı ıştən çoknəye çe əy sərdorəti kardə partiyən jəqo bəbe. Əmə çı ımon kom əğıydə xıvand bey ve çok zınedəmon. Əve çı ımonku hejo ve vaxtnənikuən dastımon peqətəmone. Çoknəy bəvoten : “Pəs bə ıştə ro, bız bə ıştə ro” (yolon sıxan).

TolishMedia