Tolışstoni veyniyə rayononədə sitrusi ləlqılon əlehdə vırəşon hestey. Biləsıvo, Cəlilabad, Səlyon iyən Natəçolədə ım ləlqılon nıbunən, Lankon, Masal, Ostoro, Vərqədizi iyən Liki zəmononədə sitrisu ləlqılonədə mandarin, limo, kenkan, kivi iyən feyxo beşedə. Sıxan ni Masali, Vərqədizi iyən Liki har diyonədə ım ləlqılon həmə diyonədə nıbunən vey diyonə hesteşone.

Çumçıku Lik, Vərqədiz iyən Masali həmə diyon bə subtropikə həvosəti dair nin. Demiyən jıqo ımsor Tolışstonədə sitrusi bə xosiyən feyxo çokə bəhr vardeku xəbə doydən. Ostoro rayoni har diyonədə ımsor feyxo ləlqıli  ve çokə bəhrış doə. Ko bımədəy ki, anəndə feyxo bəhri ostorojon havateyro vey saxtəti kəşedən. Rayoni icra yol naxçıvanıjə kuj Ğəzənfər Ağayevi Ostoroş bə ıştə şəxsi mılkış peqordoniyəşe. Əve çe əmə tolışon çiç kardən bıkən, çe kom koy miçə dəçıkon çə koy tık omedə bı kujə Ğəzənfər Ağayevi dast dəşedə.

Ostoro əjiyon nə ıştə perosniyə bəhri bə vırəy bekarde zınedən  bahavaton, nəən çı kujonku ıştə coni peroxniey zınedən. Mandən miyon ovi, miyon otəşi. Sori donzə manqi ko kardən mande çe əy foydə naxçıvanıjə kujon vindedən. Bo tolışon ıştə coni, ıştə cəni peroxnieyro iqələ ro heste, əvən ıştə dəvlətmədorəti bərpo kardeye. Bəvədə ıştə perosniyə bəhron foydən çoknəy lazime jəqoən bəvinden. Qirəm tolış ıştə dəvlətmədorati onıno, bəvədə bəyo rəxe ni!

Ostoro – Lankon.

Sərdor Bunyadov.