Çı Fransə xariciə koon vəzorət Əfgan Muxtarlı həxon barədə

TolishMedia infomasiyə agentəti muxbir xəbə dodə ki, çı Fransə xariciə koon vəzorəti nımoyəndə Parisədə bıə brifingi vaxtədə “Bemarzinə reportyoron” nomo təşkiloti mırociəti həxədə komentari doəşe. Bə yod dəğandəmon ki, ım təşkiloti rəsmiə Parisış vang kardə be Ozobiconədə bə jurnalist Əfgan Muxtarlı mınosibətədə təzyığon iyən təğibon barədə ıştə noxteyi-nəzəri ifodə karde.

Fransə xariciə koon vəzorəti nımoyəndə elon kardəşe ki, Fransə həmmə dınyoədə mətbuoti ozodi iyən fikiri ifodə karde ozodi tərəfdore, Fransə iyən çəy Avropə partnyoron bə jurnalist Əfgan Muxtarlı vəzyəti de dığğəti diyə kardedən iyən Fransə Ozobiconi hukməti vang kardedə siyosiə məhbusi həxon hurmət karde.

Bə yod dəğandəmon ki maya mangi 30-ədə Əfgan Muxtarlı de Ozobiconi cinoyəti məcəllə “dovləti marzi ğeyri-ğanuni dəvarde”, “kontrabanda” iyən “bə hukməti nımoyəndə mığovimət” nişo doe maddəon ittihom kardə bıə be. Məhkəmə əvış bə 6 sornə zindonə cəzo məhkum kardə.

Comments

Be the first to comment on this article

Leave a Reply

Your email address will not be published. Required fields are marked *

Go to TOP