Ozobiconi əğılon ittifoği sədr, huğuğə mıdofiəkor Kəmalə Ağazadə elon kardəşe ki, oxonə mangədə Ozobiconədə 9 gılə jen kıştə bə, çəvonədə 6 kəs ıştə hırdənon çəşon vədə kıştə bən.

K. Ağazadə elonış kardə: “Im gıləy dəhşətinə statistikay. Əmə çəmə moəon gin kardedəmon, əğılon yətim mandedən. Eyni vaxtədə cəmyət votedə: ehtimolən səbəb bıə, bə çəy gorəən əvışon kıştə”.

Ğeyd bıkəmon ki, əncəx oxonə rujonədə Ozobiconədə çand gılə jenon ıştə şuəon tərəfo kıştə bən.