Dınyoədə bı zıvonədə iqlə əv nıvışte iyən hande zınedə – İbtidai səvoış bıə piəmerd
Sıxan ibtidai təhsilış bıə 68 sornəni Məhmət Kuşmaniku şəydə. Əv çe Vani Çavuştəpə nomədə ğələdə 55 sore ki hovozəkə ko kardə.Əv dınyoədə Urartu zıvonədə nıvışte iyən hande zınə 38 qılə odəmədə qıləye. Mande bı zıvonədə sovı bəy nıvəştəkəs ni. Əv iqləliyə odəme ki, bı zıvonədə nıvışte zınedə.
İbtidai səvodi xıvand Məhmət Kuşmani ğələdə hovozkə mandə vaxtonədə urartu zıvonədə hande iyən nıvışteyış omətəşe. Zımıstoni dırozə şəvonədə bə ıştə dasat vardə kitobon handə ım piəmerd ruji bə ğələ bo arxeloji iyən elmi ko bardə odəmon nez bedə , bə əvon ıştə ım zıvoni omutey piey xaxanədə bey votedə. Əvonən bı piəmerdi kali kitobon doydən. Peş bı kitobon hande ısət Məhmət Kuşman urartu mixi nıvıştəyon nıvıştə iyən handə iqləliyə sənətkoy.
Əv de jıqo holi ıştəni pekırnidə. Əv sığon kutisə de ıştə daston nıvıştəyon bə Van omə mehmonon baxşə doydə. Çı piəmerdi iqlə nocəş heste, əvən ıştə zınəy ım zıvoni bə omə nuperəson iyən cıvonon omuteye. Xıdo çı piəmerdi orzuon bə vırə bırosno. Xıdo əy dırozəji bıko!
Comments