Ozobiconi peməxə prezident İlham Əliyev de ıştə xıyzoni Şamaxıdə omandə. Şamaxıədə omandə vırədə İlham Əliyev çe əy jen Mehriban Əliyeva iyən çe əy yolə kinə Lela Əliyeva bə fofoqrafon obyektiv eqıniyən. Çoçinə ko əve ki, nə çe əy zoə Heydər Əliyev nəən çe əy rukə kinə Arzu Əliyeva de əvon ni. Bı barədə rımuzdoron jıqo xəbəşon doə: “ Həm Arzu Əliyeva, həmən Heydər Əliyev çe pezışkon çəşənəvo jintono oqətə bedə. Sıxan ni Leyla Əliyevan orəxnə vaxtonədə qırd şid bey votedən, mande əv de ıştə rukə hovə Arzu tavutədə aşişe, ıştəni toxtə karde zınedə.

Arzu Əliyeva 2 – 3 manq çı ımi bə nav ıştə şuəş de çəxo anc – ancış kardəbe. Çe noxəşi oqard kardeyədəy əv ıştəni oqəte zınedəni. Hejo bəçəyro əvışon bə Şamaxı bardəşon ni. Çumçıko əv adekvat ni. Çe əvon zoə Heydər Əliyevən ki, har haftədə dı bəjən bəpe molə fermədə bıbu, hiç nıbu 2 saat çe molon bu bə çe əy bukə bıqıno. Əve əvışonən bə Şamaxı bardəşon ni. Çoknəy vindəmon Xıdo bı xıyzoni qılə yolə bəloş doço kardəşe. Oxo bə Ozobiconi əjiyon anandə koroği doə xıyzon çoknəy çok, xoşbəxt, hərəbaxt bəjiey? Xıdo bı xıyzoni jıqo lənətış kardə, əvon ıştən ıştəku xəbəşon ni. Çe odəmon bə əvon kardə ah – nalə əvoni pebəvate  zəlil bakay, binim çoknəy kardəşe!

TolishMedia