Lankoni İcra yoli nimsərdor mini oliqarxe

Lankoni tarixədə hələ bə rayoni icra yoliyəti bənəy Taleh Qaraşovi ənəsərıştə, pulxor, həjəmə odəmo oməni. Taleh Qaraşovi Lankonış bə qılə vironə riujış noə ki, hiç şəyton ıştən bımi sə bekarde zınedəni. Lankoni çanəndə tarixi vıron hestin əvonış həmə vıloş doə karde. Pidə şəhəri dılədə pidə çe əy tono – kənoədə bıə vıron bıbun, əvonış həmə vıjəbəvıjə havatəşe. Lankoni qırdilə ğələş bə bevəcə rujış haştə, çe ğələ kəno bo ıştə qıləy marmelati fabrikış ejənə.

Bə rayoni həndəvəri dair bıə Şilvo, Sutəmırdov, Qırdəni, Velədi, Değobə, Qomuşəvoni di zəminınoş həmə yəqo – yəqo havatəşe.  De ımi si nıbə Taleh Qaraşov de ıştə zoə tolışə bandonədə sığ horə zavodon, karyeronış onə. Im kuj həm şəhəri (rayoni) vironə kardə həmən çe əmə bandon, vişon. Əv demiyən si bedəni , ısətən şəhərədə bo ıştə savdıkorəti vıron onedə aptek, dukon iyən hırdə vıjoron. Velədi kəno nuə “Sitrusi vıjor” əy de ıştə nimsərdor Elnur Huseynovi dasti doəşe eje.

Elnur Huseynov çe Taleh Qaraşovi dasti kırtəğəy. Əv har çi de əçəy dasti kardə. Jıqo votenən, Elnur Huseynov çe Taleh Qaraşovi pulə sondoxe. Rayonədə har qılə çi de Elnur Huseynovi dasti kardə bedə. Velədi kəno ım ejənə bıə sitrusi vıjorən əy bə ıştə pıə nomış jəşe. Taleh Qaraşov de kali çoğolə tolışon, bənəy Elnur Huseynovi dasti Lankoni rayoni vironə kardə. Im çiyon həmə çe əliyevon tobyon çəşi vədə bedə.

Tolışi milləti bo perəxe iqlə roş heste, əvə bəpe çe əmə xəlğ bəyşto ıştə dəvlətmədorəti bərpo bıkə. Bəvədə  tolışə millət ıştə zəmini, ıştə kəy xıvand bəbey. Hələ jıqo vindəı bedə, çe əmə millət de ıştə jıqo jimoni roziey. Xıdo bə tolışi ğıryət bıdo !

Lankon – Velədi.

Sərdor Bunyadov.

Comments

Be the first to comment on this article

Leave a Reply

Your email address will not be published. Required fields are marked *

Go to TOP