Oktyabırə manqi 15 – də 2019 – sori tarixədə Masali Rayoni Məhkəmə bə “Asiya.az”  xəbə portali redaktori Cəfər Cəfərovi koyış sənibəton diə kardəşe. Ozobiconi Respublika Cəzo icro Məcəllə 70 – nə maddə 70.1 bəndi bınə  sovı detobə ıştə jimoni orəxi çe ozodətiku qınyə odəmon, har qılə dastqirxonədə ənışt de ıştə xoşsulukəti, de ıştə ıştəni çok bardey dastqirxonəku ozod bey bəzıney. Ozodətiədə bey holədə, həllən çe əy kutisə icbari ko bıə redaktor Cəfər Cəfərov dı maddə riyə bə məhkəməş ovardə.

Çoknəy binim Cəfər Cəfərov de Məhkəmə otovi bəyo bırniyə bıə cəzo mandə da manqi vaxti çe əy kutisə peqətero bə Ədiliyə vəzirəti iyən bə Probasiya dastqo nıvıştəşe. Əve Cəfər Cəfərov de Masali Rayoni Məhkəmə otovi zinəku ıştə cəzo kəşə 11 numrəynə dastqirxonəku bə ıştə kə ovaştə. Bə şımə vir dəğandəmon ki,”Asiya .az” sayti redaktor martə manqi 4 – də 2015 – nə sori dastqir kardəşone.

Əv de Boku Qonə Xətokorəti Məhkəmə otovi de CM 182.2.1 iyən 221.1 – nə maddon qınokor zınə beəbey, əvışon 6 sor dastqirışon kardəbe. Peşo de Boku Apelatsiya Məhkəmə otovi çe əy cəzo bə 5 sor 6 manq eğzndəşonbe. Cəfər Cəfərov yanvarə manqi 25 – 2019 – nə soriku detobə zinə ruji ıştə cəzo Masali rayoni 11 numrəynə dastqirxonədə kəşedəbe. Xıdo həmə dastqiron kəybon oj bıko!

Lankon – Masal

Sərdor Bunyadov.