Şah Əbos vıjorədə

Ruj çe rujon dəvuşə olətədə vıjori nəvə Şah Əbosi vindışe ki, de aşnoə rıvosə puston pur bıə qılə erməniyə savdıkor nıştə. Şah bəy nez be, de çəmi hosto – hosto parsəşe:

-Bo çiçi tı jıqo ğo bıəş, çiç ıştı dıli norohət kardedə?

-Bə ıştı çe vəc? Dast bəqəteş? Diyəro bıbi çiyo, Tınən Xıdo de ıştə roy bışi!- savdıkori de ğeyzi votışe.-Har tisbirədə şındırə dəvilə çımı dılədəkiyon parsero ciqə kardə. Bəpe bo şımə ıştə dardi həməy bıvotom?!

eyzin məbi, xosə merd, mıni mətojon: Xıdo ıştə ğeyzi ebastəkəsış ve pidəşe. Az ne, Xıdo bətı dast bəqəte. Tıni jıqo vindedəm, bəbolim omedə. Bə səbin piyəme bızınom çiçi, kom dardi tınış jıqo ğo, xısin(qəmli) kardəşe. Az bə Xıdo dıvo bəkardem, əv ıştı dardi botoro hoston bakay.

Çdəvuşi dılisoxti bə çe əy dardi şoği(maraq) karde vində savdıkori votışe:

-Az ve-veyinə rıvosə pustım səy ki, əvoni bahavatom, pul ğəzənc bıkəm. Mande ım puston əstən ni, hiç xonəxo bə nez omedəni, hiç nıbu az ıştə noə moyə bekəm. Bı səbin dıltanqim. Famedəm ki, ım puston bəpıxeyn, az luç  bəbem.

-Ğo məbi, Xıdo tıni bəməse, puston əstən pəydo bəbe, mande tınən əvoni erjon bəhəvatiş.

Imi votə Şah Əbos bə ıştə rot oqarde, jıqo qılə sərəncomış doy: “Erməniyon mısılmononku çiç curə co kardey bedəni, əve az otov omedəm ki, erməniyonbə  ıştə koloon rıvosə dum,  bə ıştə ıştə çoxon yəxəən rıvosə pust bıduton. Im otovi(əmr) bə vırə nırosniyə erməniyon həmə izo-cəzo kardə bəben.”

Çe Şah doə  otovi handə erməniyon rıvosə pustonışon  həmə səşone, savdıkorən ıştə dılə dardiku perəxəy.

Rusi zıvonədə qırdəkə: Teymurbəy Bayraməlibəyov

Peyəqordon: Diana Montgomeri

Comments

Be the first to comment on this article

Leave a Reply

Your email address will not be published. Required fields are marked *

Go to TOP