Masali vıjor ya ağanəğ?

Masali rayoni mərənqo vıjori dılədə qolonədə ovi tibış jə mandə. Bə vıvori dılə dəşeyro bəpe bə tan rezinə çəkmə pekırni yaəınki penışti bə qıləy bo maşini dəşi bə vıjori dılə. Masal hiç kəynə bə jıqo exrocə ruj mandə nıbe. Masali rayoni bı ruj noə odəm Rafil Huseynov nomədə qıləy qədəquqə kuje.

İlham Əliyevi ıştə hukumətəti kardə vaxtiku detobə ımrujnə ruji ənəndəş kardə çe əmə zəminonış vironə kardə. Tolışstoni zəmin bo əvonro bənəy “Rey Mılki” qılə çiey. Pidə qurbəqur Heydər Əliyev bıbu, pidə çe əy səquriyə zoə İlham Əliyev. Əvon dıynəni bo çe əmə zəmini, bo çe əmə odəmon bə şımşi oqardən.

Lankon, Lik, Ostoro, Vərqədiz, Həmoşəru, Biləsıvo ısən Masal bə vironə oqardə. Rafil Huseynovi Masalədə çe bəloş heste? Oxo əv qılə kuje.Əy bə çe əmə zəmini çe dairətiş heste? Tolışon hiç i bəjən jıqo parsi bə ıştə doydənbu? Qirəm jıqo parsi bə ıştə bıdon, çe əy cəvobiyən bəsten. Çe jıqo parsi cəvobən iqləy. Əvən əve ki, tolışon bəpe həzohəlbət ıştə dəvlətmədorəti bərpo bıkən. Dəvlətmədorəti bərpo karde çe əmə ıştən dastədəy.

Əmə bəpe i bıbəmon, bə iyəndı pemandəmon. Bəvədə Masali vıjorən, Lankoni parkən, Ostoro şəhərən bə dərhəl bome. Co ro ni !

TolishMedia

Comments

Be the first to comment on this article

Leave a Reply

Your email address will not be published. Required fields are marked *

Go to TOP