Ozibiconi ısətnə prezident İlham Əliyev noxəşe, çe əy sədə vəhəm heste. İlham Əliyev çand sore  de dəmon – darzəni oqətə bedə. Im odəm zınedə bamardem ijən ıştə nıştə kətıliku dast kəşedəni. Əyən ziyodə karde çok əbi ki, əv zınedə qirəm əv ıştə kətıliku dast bıkəşo əyiyon əy də toni vanıbədon. Çe əy bə əjiyon sə vardə qulon, çe əy əjiyon doə koroğon qirəm damandi bo bınıvışte bə i həzo kitob dənıbəvıjqiey. Im odəmi kardəyon zəmin – ostmoni sutvonidə, mande nə bəy qılə “ıştı lınq sute okırın” – votəkəs heste nəən əv ıştən həyo kardə. Əyən vote çok əbi, qirəm çe əy sıxanqırdədə həyo nomədə sıxan bəbəy, bəpe əv ve vaxtbe bə ziri – zəmini bın dəsiyəbey. Hejo sərko əve ki, ım odəm (qirəm bəy odəm vote sərostebu) həyo çiçe zınedəni, penıştə bı Ozobicon nomədə pesoxtə keşvəri əjiyon kul romedə jıqo – jəqo . Im əjiyonən jıqo pemujən bəy, hejo  i ləz əv bə əvon penıştənibu, rəyrə dıltanq bedən.

Isətən ıştə jeni bə ıştə vırə varde pidəşe. Qirəm ım koən sə bıqəto, bəvədə Ozobicon nomədə çı pesoxtə keşvəri əjiyon ıştə fatəhə ıştən bahandon. Hejo bı şonzə sori İ. Əliyevi hukmətəti vaxti ənəndə koroğon bə əvon de Mehriban Əliyeva tovi doə bedəbe. Holiədə çe pısoxtə keşvəri vitse – prezident Mehriaban Əliyeva bə ıştə şuə İ. Ə. Vırəş ovaşte pidəşe. Səroston məsəy- ovaşte pidəşe. Çumçıko bı pesoxtə keşvərədə sərisofə səçıniku sıxan şey əzıni. İyo har çi havatə iyən hıriyə bedə. Ozobiconədə qirəm sərisofə səçın bıəbəy, bəvədə ım ənəcəron iyo nıəbin.

Ha xosə əhandon, ısətən bı pesoxtə keşvərədə prezidenti jeni prezidentış bey pidəşe. Sıxan şıməne. İyo po perəxe iqlə ro heste – əyşte çımon nətəği jey, ımoni detobə Xıdo kəy tojniey. Zınəyone karde rəxəyon, nıznəyone bəvədə şımə çməşon ruşin- prezidenti jen bo şımə prezident bəbe!

TolishMedia