Nuh peyğəmbər dınyo ovəbarzi vaxi həmə həyvonon bə ıştə qəşti (koç) qırdəş karde, i qılə kıtı peqəte çı əy viro beşe.  Əve Nuh bə şəv- bə ruj bə Xıdo lovə kardəbe ki,  kıtı sənibəton ofəyo, çumçıko kıtı xəyrinə həyvone. Xıdo ıştə peyğəmbəri sədoş məsəy: de çeƏy otovi(əmr) pələnqi efışnişe, çe əy vıniku dı qılə kıtı qılə moə, qıləən pıə eqıni- kıtıon çı ımonku heve bin. Çı əvon peştədə bıə pisə çoknəy qin bey barədə tolışə xəlqi əfsonə jıqo votedə: Ruj çı rujon qılə çınığə savdıkor İmom Əli bə ıştə kə mehmon vanq kardışe, mande bo əyro pəs ne, kıtış obırnişe, əvış çok- çoki doşe obışte. Kıtı qujdi doşe polo səpe dəvoşte, noşe İmomi vədə, votışe: “Nuş bıbu, bəhə, ım qırd cıvonə pəsə vəçəy.”

Bə İmomi bərməla be ki, ım kıtıy. Iştə se qılə anqıştə bə kıtı peşti dəsuşe, bəy votışe: “Bə Xıdo nomo bətı tov doydəm, bədbəxtə həyvon, oğo bıbi, bəyşt!”. Həmonə saatədə kıtı oğo bey, bə səpo əyşte. Kıtı peştədə bıə se qılə pisə riz imomi se qılə qiraminiyə anqıştəon rize ki, əy hiç kəynə bə peşto qıni haştəni. Əve kıtı çoknəy şodoydəş, şodə, əv anqşıtəon əy oqətdən, əy bə peşto qıniku noğo doydən.

Rusi zıvonədə qırdəəkə: Teymurbəy Bayrəməlibəyov

Rusi zıvono peyəqordon: Diana Montgomeri