Liki navkonəni icra yoli koyku beşə holış ni

Isət Siyəzənədə  ko kardə Liki rayoni navkonəni İcra yoli Novruz Novruzovi 65 sorış heste. Çe əy sıxani votə dılmonci çe Siyəzən rayoni humanitar – içtimai xonə sərdor Təhminə Bəxtiyarova  jıqoş votə: “ Novruz miəllimi şestıpenc sorış heste, əv bəpe bo çiçi istefa bıdə ki? Hiç qılə istefaku sıxan şey əzıni. Novruz miəllim koy sədəy”.

Bə şımə vir dəğandəmon ki, Ozobiconi prezidenti aprelə manqi 5 – də,  2019 – nə sori Novruz Novruzovış de ıştə doə sərəncomi Siyəzəni rayoni icra yolış noə. Si sorisə veye İcra yol ko kardə Novruz Novruzovi çımisə bə nav Liki rayoni İcra yol bey. Əy ıştə vırəş bə kujə Rovşən Bağırovi doəşe. Əv Rovşən Bağıroviyən bəyoş Xıdo rəhmətış bə peşo noy. Isət çoknəy binim bə məmuron dılə hay dəşə ki, pi – pışkon bəpe koyku beşun, ım Novruz Novruzovən alğaru beyku, ıştə ləvobıjənonış şodə bə miyon. Oxo çımonku i kəs əpars ni ki, şımə bı viyəvonə mısılmonon bo çiçi ənəndə koroği doydon? Bo çiçi dınyo moli şımə çəşonış epşniyəşe? Vəsənən həyo bıkənən, bışənən de ıştə nəvə – nətincon hənək bıkənən. Bo nuperəson, cıvonon ro oj bıkənən! Xıdo bə şımə pand bıdo!

Lik – Siyəzən.

Sərdor Bunyadov.

Comments

Be the first to comment on this article

Leave a Reply

Your email address will not be published. Required fields are marked *

Go to TOP