Tırkiyə İstanbul nomədə şəhərədə nıştə puldor – tolış Mubariz Mənsimovi Araz Əlizadə barədə həpəroyış vote. Çoknəy zındəmon Araz Əlizadə Nuru Paşa iyən çe əy etnosu barədə bəy doə parsi cəvobədə, Nuru Paşa ləşkərış mıjdikorə ləşkər, ıştə millətış ısət boy tırk ne ironıjış bey votəşe. Bə Araz Əlizadə votəyon Ozobiconi çand qılə hərzə – hərzə odəmon do – dımjonışon doə.

Çe jıqo holi səkıştədə Tırkiyədə nıştə tolış Mubariz Mənsimoviyən luləş noə ıştə qəvisə biniş kardə həpəroy vote. Əy bə Araz Əlizadə nom do – dımjonon, qonə sıxanonış votə, mande ıştə tolış bey ne, tırk beyro ıştəni pekırnişən bə qəv vardə.Bə İroni bə Rusiya piarışış kardə, bə farsi bə rusi nomən yavə sıxanonış votə. İ xonəxo ni ki, bıpaso: ha Mubarza tı tolışiş ya tırkiş? Jəqo sərostəti havari bıkəş bıəş, ıştə mardə mandə bo peqətə tolışə milləti havari bıkəş.

Odəm çanəndə villəsə, haləsə bəbe şinə Xıdo. Xıdo bımon pand bıdo!

TolishMedia