Im ğəziyə ımsornə sori iyulə manqədən bıbu, ısət bebuli bıə. Im ko bo huquqi qərdənikəşə onemononro noyabırə manqədə bərmalə bıə. De çe əmə omutə rımuzi Boku Mərdəkan nomədə qəsəbədə 26 numrəynə şəhəri noxəşxonə xonədə maştəvo vaxti dıhəzo pencminə sori çe moəmo bıə T. T (çe əy nomi niyonəkıle oqətedəmon) bə dınyo əğılış vardə. Əy qılə kinə xəyləğış bə dınyo vardəşe.

Dı koy anqıl təyğəton bino bıən.Bə şımə vir əyən dəğandəmon ki, de Ozobiconi Respublika konsitutsiyada nıvıştə dəsturon, kinə xəyləğon həjdə sor bəsə nıqıniyə bə şu şey əzınin. Əmə ısət boy iyo vindəmon kinə xəyləği çordə sorədə əğılış bə dınyo vardəşe. Mande qirəm çı vırə sipirişon iyən hukuməti nımoyondon de fors – majori riyə qılə kinə havdə sori dılədə bə şu şey ray doy bəzınen. Bı ımi dəsturon ro doydən. Həni votəşon ni ki çordə sori dılədə bızand.

Xıdo ıştən bı əjiyon koməq bıbo. Bədəxlaqəti həni çe lokəku peş bedə.